Number TWO нэртэй хөдөлгөөн байгуулагдахаар болжээ.

Залуус бол тэр чигтээ Ардчилсан намынх гэж нэр дэвшигч Ц. Элбэгдорж хөнгөмсгөөр найдан ахмадуудыг аргадах гэж үйлээ үзэн баруун солгойгүй хошгируулж, хашгируулсаар явах хооронд аль хэдийнээ Number One нэртэй Н. Энхбаярыг дэмжигч залуусын хөдөлгөөн гарч ирэн уурхайчдаас аваад үсчин залуучуудыг хүртэл хуу хаман, орон нутагуудад хүртэл салбарууд нь байгуулагдаж залуучуудын анхаарлыг өөртөө зүй ёсоор татаж эхлэв. Энэ хөдөлгөөнд өөрсдийн ирээдүйн амьдралын төлөө үгээ хэлж үзэл бодлоо илэрхийлэхийг хүссэн нийгмийн залуу хэсгийнхэний цөм нь нэгдсэн бололтой. Учир нь энэ хөдөлгөөнийг дэмжигч залуусын тоо геометрийн прогрессоор өсч , эхний 7 хоногийн дотор л 1000 гаруй залуучуудыг нэгтгэсэн байна. Үүнд мань Ц. Элбэгдорж баахан бухимдаж, ардчилсан намынхаа залуучуудыг сэтгэлгээгүй, тэнэг мангараар нь дууджээ. Аргаа барсан залуучууд нь залуусыг нэгтгэхийг оролдож хаа сайгүй гүйсэн боловч холч ухаантай залуучууд олдсонгүй харин чулуу хол шиддэг залуус л их олдсон бололтой. Үүнд бухидсан Элбэгээгийн залуус ямар Number Two нэртэй хөдөлгөөн байгуулалтай нь биш хэмээн үглэж, Number One нэртэй залуучуудын шторкыг засаж, зарим сонинд бидэнтэй нэгдсэн энэ тэр хэмээн өрөвдөлтэй байдлаар асуудлыг аргацааж эхэлжээ. Уг нь Элбэгдорж Number Two нэртэй хөдөлгөөн байгуулсан бол бүх талаараа тохирох байсан юм санж. Дунд сургуульд байхдаа TWO сурдаг, TWO удаа эхнэрээ сольсон, TWO удаа засгийн газраа унагаасан, TWO төрсөн өдөртэй, TWO хөрөнгө орлогийн мэдүүлэгтэй, TWO угсаа гаралтай, TWO удаа намаа ялагдуулсан, TWO удаа С. Баярт халз ярилцлаган дээр нам тавиулсан, TWO удаа хүн амины хэрэгт орооцолдсон ч TWO удаа эвтэйхээн мултарсан, TWO MILLION удаа ард түмнээ хошгируулсан гээд ажил амьдралд нь number TWO баримтууд бишгүйдээ их байдаг учраас Элбэгээ яалт ч үгүй NUMBER TWO юм байна гэж залуус шуугиж эхлэжээ. Зарим эх сурвалжууд ийм хөдөлгөөн байгуулах талаар ч мэдээлж байгаа аж.